Хыпарсем: Чӑваш Сурӑм

ҪУ

Элӗксем хушшинче те ҫӗнтерӳҫӗсем пур
■ Аçтахар Плотников | 11.05.2012 11:18 |

#Шӗмшеш, #лицейсем, #Г.Лебедев ячӗллӗ чӑваш наци интернат лицейӗ, #Шупашкар, #Элӗк районӗ, #Чӑваш Сурӑм, #Мӑн Вылӑ

Г.Лебедев ячӗллӗ чӑваш наци интернат лицейӗ

Нумаях пулмасть Шупашкарти Г. Лебедев ячӗллӗ интернат лицейра «Букварьтен — илемлӗ литературӑна ҫити» конкурсӑн иккӗмӗш тапхӑрӗ пулнӑ.

Кӑҫалхи конкурса 190 ӗҫ тӑратнӑ. Вӗсенчен 74-шне ҫеҫ суйласа илнӗ. Элӗк районӗнчи Шӗмшеш вӑтам шкулӗнче пӗлӳ пухакан Виктория Платонова «Сӑнару яланах чӗрере» хайлавӗнче кил хуҫи, йӗрке хуралӗнче тӑрӑшаканскер, Чечняри командировкӑран тупӑкра таврӑнни, виҫӗ ачана ура ҫине пӗчченех тӑратакан мӑшӑрӗ упӑшкине аса илсе хурланни пирки ҫырнӑ.

«Поэзи» секцийӗнче Чӑваш Сурӑм шкулӗнче пӗлӳ илекен Е.Иванова мала тухнӑ. «Проза» секцийӗнче Мӑн Вылӑ шкулӗнчи И.Шашкина пӗрремӗш вырӑн йышӑннӑ. Вӗсен ӗҫӗсене пысӑк хак панӑ.

Хыпар ҫӑлкуҫӗ: http://gov.cap.ru/chuv/news.as...27-450c-8114-50e8fa96a009

УТӐ

Чӑваш Сурӑмӗнче Питрав уявне кӗтеҫҫӗ
■ Аçтахар Плотников | 08.07.2011 15:08 |

#Питрав кунӗ, #Чӑваш Сурӑм, #Элӗк районӗ, #уявсем

Пӗлтӗрхи уявра

Утӑ уйӑхӗн 12-мӗшӗнче йӑлана кӗнӗ тӑрӑх Чӑвашри чылай ялта Питрав кунне паллӑ тӑваҫҫӗ. Яланхилле халӑх вӑл уява йышлӑн пухӑнать — православи тӗнӗпе ҫыхӑннӑ уяв пулин те ку кун хастар ӗҫченсене хисеп хучӗсемпе тата парнесемпе чыслаҫҫӗ, тӗрлӗ вӑйӑра, ӑмӑртура канаҫҫӗ.

Элӗк районӗнчи Чӑваш Сурӑм яленче кӑҫал та ял халӑхӗ уява чӑтӑмсӑррӑн кӗтет. Ытларикуна лекнӗрен малтанах хатӗрленеҫҫӗ — тӑванӗсем патне ҫитес тесе вӑл кун ӗҫрен хӑталса тухаҫҫӗ, аякран таврӑнма плансем тӑваҫҫӗ.

Шӳрпе те, сӑра та уявра пулать. Концертсӑр вара нихҫан та иртмен — вырӑнтисем те пулӗҫ, Шупашкартан та килӗҫ!

Хыпар ҫӑлкуҫӗ: http://gov.cap.ru/list4/events...&FKey=F_JURL_ID&id=251240

АКА

Чӑваш чӗлхи — тӑван чӗлхе, ялан эс пирӗн чӗрере!
■ Аçтахар Плотников | 30.04.2011 20:36 |

#Чӑваш патшалӑх университечӗ, #чӑваш филологийӗпе культура факультечӗ, #Элӗк районӗ, #Чӑваш Сурӑм, #конференцисем, #чӑваш чӗлхи

Пӗтӗмӗшле пӗлӳ паракан Чӑваш Сурӑм вӑтам шкулти конференцире

Акан 26-мӗшӗнче Элӗк районӗнчи Чӑваш Сурӑмри пӗтӗмӗшле пӗлӳ паракан вӑтам шкулта «Чӑваш чӗлхи — тӑван чӗлхе, ялан эс пирӗн чӗрере!» темӑпа районти чӑваш чӗлхипе литература вӗрентекенсен ӑслӑлӑхпа практика конференцийӗ иртрӗ. Унта ЧПУн чӑваш филологийӗпе культура факультечӗн ӗҫченӗсем те хастар хутшӑнчӗҫ. Чи малтан 4 курс студентки Инна Данилова 6 класра уҫӑ урок пачӗ. Унтан Г.А. Ермакова профессор, О.И. Печников, И.Ю. Кириллова, А.С. Егорова доцентсем, Э.И. Родионова аслӑ преподаватель методика ыйтӑвӗсемпе доклад турӗҫ. Докладсене сӳтсе явнӑ май учительсемпе преподавательсем тӗрлӗ ыйту ҫинче чарӑнса тӑчӗҫ, чӑваш чӗлхи пуласлӑхӗ вӗрентекенсенчен те килнине палӑртрӗҫ.

Тӗлпулун иккӗмӗш пайӗнче Чӑваш Сурӑм шкулӗн вӗренекенӗсем тата районти чӑваш чӗлхи вӗрентекенӗсем сӑвӑ илемлӗ вуласа тупӑшрӗҫ. Сумлӑ жюри членӗ, культурологи кафедрин доценчӗ И.

Малалла...

Хыпар ҫӑлкуҫӗ: http://www.chuvsu.ru/~chfik/novocti/112.html

РАШ

«Урхамахсем тӑраҫ тапӑртатса...» ӑмӑртӑва пӗтӗмлетсе...
■ Аçтахар Плотников | 01.12.2010 11:56 |

#Ҫирӗклӗ Шӑхаль, #Элӗк, #Елчӗк, #Кӑнар, #Ҫӗрпӳ районӗ, #Йӗкӗрвар, #Энтепе, #Сиккасси, #Вутлан, #Сухайкасси, #Канаш районӗ, #Комсомольски районӗ, #Явӑш, #Красноармейски районӗ, #Красноармейски, #Мӑн Ямаш, #Мӑнҫырма, #Вӑрмар районӗ, #Урхас Кушкӑ, #Сӗнтӗрвӑрри районӗ, #Тури Ҫӗрпӳкасси, #Хӗрлӗ Чутай районӗ, #Штанаш, #Пӑлапуҫ-Пашьел, #Патӑрьел районӗ, #Юнтапа, #Элӗк районӗ, #литература, #Урхамахсем тӑраҫ тапӑртатса..., #ӑмартусем, #Елчӗк районӗ, #Сӗнтӗрвӑрри, #Упи, #Ҫӗрпӳ, #Шӗмшеш, #Вӑтакас Татмӑш, #Хусанушкӑнь, #Шӑмӑршӑ, #Шӑмӑршӑ районӗ, #Чӑваш Сурӑм, #Ӑвӑспӳрт Кипеч, #Йӗпреҫ районӗ, #Пучинке, #Курнавӑш, #Тикаш

Сивӗ... Сивӗ ҫанталӑк... Сивӗ ҫанталӑк ку ӑшӑ чӳк уйӑхне кӗтмен-ҫитмен пек килсе кӗчӗ, пӗр самантрах хӗл кунӗ тавралӑха хӑй аллине илчӗ. Хӑй ҫинчен асаилтерчӗ. Хӗл ҫитрӗ. Урамра та, календарьпе те. «Урхамахсем тӑраҫ тапӑртатса...» литература ӑмӑртӑвӗн пӗтӗмлетӗвне тума та вӑхӑт ҫитрӗ. Унпа паллашнӑ май вӑл сире кӑшт та пулин ӑшӑтатех тесе шутлатпӑр. Сивӗ хӗл сивви те туйӑнмӗ...

Кӑҫалхи ӑмӑрту епле иртни самай пирӗн кӑмӑла кайрӗ. Малтанхисене вӗренӳ министерстви хутшӑнатчӗ пулсан, кӑҫалхи йӗркелӳҫӗсен шутӗнче вӗсем пулмарӗҫ. Вӗсене те ҫӑмӑлрах пулчӗ пулӗ, пире те ку самай ирӗк пачӗ. Вӗсем пӗлтернине кӗтмесӗр пӗтӗмлетӗве эпир паянах, раштавӑн пӗрремӗш кунӗнчех, пӗлтерме пултаратпӑр! Пурӗ 140 хайлав йышӑнтӑмӑр. Ытларах та ярса пачӗҫ ӗнтӗ, анчах та хӑшӗ-пӗрине, ӑмӑрту йӗрки-шывӗпе килӗшӳсӗр пулнӑран, йышӑнма май пулмарӗ. Чылайӑшӗ эпир фантастика конкурсне ирттерни ҫинчен манса кайнӑ пулас — пӗр чӗптӗм те пулин тупма май ҫуккӑччӗ. Эпир вӗсене йышӑнтӑмӑр, анчах та хайлавӗ темле чаплӑ пулсан та вырӑн памарӑмӑр.

Малалла...

ЧӲК

«Асамлӑх ҫулӗ» кӗнекен хӑтлавӗ иртрӗ
■ kunadina | 27.11.2010 08:49 |

#Тавӑт, #Ҫырмапуҫ, #Ҫӗрпӳ районӗ, #кӗнекесем, #Чӑваш Сурӑм, #Шупашкар, #Элӗк районӗ, #хӑтлавсем, #Хӗрлӗ Чутай районӗ, #Ҫеҫпӗл Мишши ячӗллӗ кил-йыш вулав центрӗ

Чӳкӗн 26-мӗшӗнче Шупашкарти Ҫеҫпӗл Мишши ячӗллӗ кил-йыш вулав центрӗнче «Асамлӑх ҫулӗ» кӗнекен хӑтлавӗ (презентацийӗ) пулчӗ. Кӗнекене 2008-2009 ҫулсенче Chuvash.Org сайт урлӑ ирттернӗ литература ӑмӑртӑвӗсенче малти вырӑнсене йышӑннӑ шкул ачисемпе вӗрентекенсен хайлавӗсенчен калӑпланӑ. 2008 ҫулта фантастика конкурсӗ, 2009 ҫулта — «Халап хапха тӑрринче» юмахсен конкурсӗ иртнӗ. Ҫак конкурссене Николай Плотников Chuvash.Org сайтӑн тӗп администраторӗпе Ҫӗрпӳ районӗнчи Михайловка шкулӗн директорӗ Владимир Андреев йӗркеленӗ.

Николай Плотников конкурс ирттерме ҫӑмӑл марине, уйрӑмах кӗнеке кӑларма йывӑр пулнине палӑртрӗ. Анчах та ҫак ӗҫе хӑй кӑмӑлпа, юратса пурнӑҫланине пӗлтерчӗ. Конкурс вӑхӑтӗнче пухӑннӑ ӗҫсем хушшинче малти вырӑнсене йышӑннӑ хайлавсене кӗнекен халӑх патне ҫитерме хутшӑннӑ ытти ҫынсем те тухса сӑмах каларӗҫ. «Асамлӑх ҫулне» ӳкерчӗкӗсемпе илемлетме Ҫӗрпӳ районӗнчи Ҫырмапуҫ шкулӗнчи «Ӑсталӑх кӗперӗ» кружока ҫӳрекен ачасене явӑҫтарнӑ сӑнарлӑ ӑсталӑх урокӗсене вӗрентекен, Ҫеҫпӗл Мишши премийӗн лауреачӗ Станислав Юхтар кӗнекене капӑрлатас ӗҫ мӗнлерех пулса пыни пирки кӗскен пӗлтерчӗ.

Малалла...

Страницӑсем: 1, 2, 3, [4]